သုံးဆယ့်ရှစ်ဖြာ မင်္ဂလာ
ကဏ္ဍအသီးသီးလို့ ရေးပါတယ်။
မင်္ဂလာပါဆရာ။ ကန္ဒဝစ္စန နားသမင်္ဂလာမှာ ကန္ဒလို့ရေးတာမှန်ပါသလား။ ဘယ်နေရာများမှားနေသလဲဆိုတာ ပြောပြပေးပါလားဆရာ။ ကျေးဇူးတင်ပါတယ်ဆရာ။
ကဏ္ဏဝိဇ္ဈဏလို့ ရေးပါတယ်။ အွန်လိုင်းသတ်ပုံကျမ်းမှာ ကဏ္ဏဝိဇ္ဈန နားသမင်္ဂလာလို့ ဖြစ်နေတယ်။
အခန်းကဏ္ဍ
ကဏ္ဍကမြင်း
ကဏ္ဍကောစလုပ်
အသကဏ်
ပါရာဇိကဏ်
တေရသကဏ်
ကဏ္ဏဝိဇ္ဈဏ နားသခြင်း (ဦးသာမြတ် သတ်ပုံစာအုပ်)
ကဏ = ဆူးငြောင့် (ပါဠိအဘိဓာန်)
ကဏ္ဍ = မြား၊ အခဏ်း၊ အပိုင်း၊ အဖြတ်၊ ပင်ရိုးပင်တံ။ (ပါဠိအဘိဓာန်)
လောကီမင်္ဂလာ (၁၂) ပါး
၁။ ဝိဇာတ မင်္ဂလာ = ပဋိသန္ဓေမှ ဖွားမြောက် အောင်မြင်ခြင်း။
၂။ မုခဒဿန မင်္ဂလာ = ဖွားပြီး သုံးရက်မြောက်သောကာလ ရတနာသုံးပါးနဲ့ ဘိုးဘွားဟူသော နန္ဒိမုခနတ်တို့အား ရှိခိုးပူဇော်ခြင်း။
၃။ ကေသစ္ဆေဒန မင်္ဂလာ = (၇) ရက်မြောက်သောနေ့၌ ဆံပင်ရိတ်ခြင်း။
၎။ ဒေါလာကရဏ မင်္ဂလာ = ကောင်းမြတ်သောနေ့၌ ပုခက်အေးယာဉ် တင်ခြင်း။
၅။ တမ္ဘုလပတ္တ မင်္ဂလာ = (၇၅) ရက်မြောက်သောနေ့၌ ကွမ်းဦးခွံ့ခြင်း။
၆။ ရဝိန္ဒုဒဿန မင်္ဂလာ = (၃) လမြောက်သောန့၌ နေ လ တို့ကို ပြခြင်း။
၇။ နာမကရဏ မင်္ဂလာ = ရက်ပေါင်း ၁၀၀ မြောက်သောနေ့၌ အမည်မှည့်ခြင်း။
၈။ ပထမဘတ္တ မင်္ဂလာ = ခြောက်လပြည့်က ထမင်းဦးခွံ့ခြင်း။
၉။ ကေသဗန္ဒန မင်္ဂလာ = သင့်တင့်လျောက်ပတ် အရွယ်၌ ဆံဖွဲ့ထုံးခြင်း။
၁၀။ ကဏ္ဏဆိန္ဒ မင်္ဂလာ = သင့်တင့်သောအရွယ်၌ နားထွင်းခြင်း။ (ကဏ္ဏဝိဇ္ဈဏ မူကွဲ)။
၁၁။ သာသနာနုဂ္ဂဟ မင်္ဂလာ = ချိန်ရွယ်ကျရောက်သောအခါ သာသနာဘောင်သို့ သွတ်သွင်းခြင်း။
၁၂။ အာဝါဟ ဝိဝါဟ မင်္ဂလာ = ချိန်ရွယ် ကျရောက်သောအခါ ထိမ်းမြားရခြင်း။
ရွှေတိုင်ညွန့်ရေးသားတဲ့ သုံးဆယ့်ရှစ်ဖြာ မင်္ဂလာ https://www.youtube.com/watch?v=2EgTVXkdeoM
ဒေါက်တာတင့်ဆွေ
၂၆-၁၂-၂ဝ၁၉
Comments
Post a Comment