Saturday, December 28, 2019

ဝိဘတ်

၁။ ဒီစာလေးက ဆရာတယောက်တင်ထားတာတွေ့ရလို့ပါ ကျိုက်သလ္လံစေတီတော်မြတ်ကြီးအား တက်ရောက်ဖူးမြော်လို့ တွေ့ရပါတယ် တချို့နေရာတွေမှာ ကျနော်တို့တွေ သုံးကြတာက စေတီတော်မြတ်ကြီးသို့ လို့ သုံးတာပိုတွေ့ရပါတယ် သုံးသင့်တဲ့ ဝါကျအမှန်အနေအထားကိုရှင်းပြပေးပါလားဆရာ

၂။ ဆရာ ကို ဝိဘတ် နှင့် အား ဝိဘတ်အကြောင်း ဆွေးနွေးပေးပါအုံး။ အတိုင်ပင်ပင်ခံပုဂ္ဂိုလ်အား ပန်ကြားအပ်ပါသည်။ မြတ်စွာဘုရားအား ကန်တော့ပါ၏ စတဲ့ဝါကျတွေကို တချို့က အလေးဂရုပြုကြောင်း ဖော်ပြရင် သုံးလို့ရတယ် ဆိုလို့ပါ။

(က) အား

ကြိယာအထောက်အပံ့

၁။ ဆောင်ရွက်ရန် အချိန် အခွင့်ရှိသည်ကိုပြသည်။ ငါ သွားအားသည်။

၂။ ငဲ့ညှာခြင်း ကင်းသည်ကိုပြသည်။
ပြုတော်မူအားရန်ကော့၊ မျက်ထားတော်သုန်။

၃။ လက်ခံပြဝိဘတ်
ဆရာသည် ကျောင်းသားများအား စာသင်ပေးသည်။

(ခ) ကို

ကံဝိဘတ်
သူ့ကို စာအုပ်ပေးလိုက်ပါ။

သို့၊ အား တို့လို အလားတူသုံးနိုင်တဲ့နေရာတွေရှိတယ်။

မြန်မာသဒ္ဒါမှာ နာမ်ဝိဘတ်နဲ့ ကြိယာဝိဘတ်ရှိတယ်။

နာမ်ဝိဘတ် ၁၆ မျိုးရှိတယ်။
• သည်၊ က၊ မှာ = ကတ္တားဝိဘတ်
• ကို = ကံဝိဘတ်
• မှ၊ က = ထွက်ခွါရာပြဝိဘတ်
• သို့ = ရှေ့ရှုရာပြဝိဘတ်
• သို့၊ ထိ၊ အထိ၊ ထိအောင်၊ တိုင်အောင် = ဆိုက်ရောက်ရာပြဝိဘတ်
• ဖြင့်၊ နှင့် = အသုံးခံပြဝိဘတ်
• ကြောင့်၊ ဖြင့် = အကြောင်းပြဝိဘတ်
• အား = လက်ခံပြဝိဘတ်
• ၌၊ မှာ၊ တွင်၊ ဝယ်၊ က = အချိန်ပြဝိဘတ် + နေရာပြဝိဘတ်
• ၏ = ပိုင်ဆိုင်ခြင်းပြဝိဘတ်
• အလိုက်၊ အရ၊ အတိုင်း၊ အလျောက်၊ အားလျော်စွာ၊ နှင့်အညီ၊ နှင့်အမျှ = လိုက်လျောပြဝိဘတ်
• နှင့်၊ နှင့်တကွ၊ နှင့်အတူ = ယှဉ်တွဲပြဝိဘတ်
• တွင်၊ အနက်၊ အထဲမှ၊ အထဲမှာ = ခွဲထုတ်ရာပြဝိဘတ်
• ငှာ၊ အလို့ငှာ၊ ဖို့၊ အဖို့၊ အတွက် = ရည်စူးချက်ပြဝိဘတ်
• တိုင်တိုင်၊ တိုင်အောင် = နေရာဆက်ပြဝိဘတ်
• တိုင်တိုင်၊ တိုင်အောင်၊ ပတ်လုံး၊ လုံးလုံး = အချိန်ဆက်ပြဝိဘတ်

က = ကတ္တားဝိဘတ် + ထွက်ခွါရာပြဝိဘတ် + အချိန်ပြဝိဘတ် + နေရာပြဝိဘတ်
မှ =  ထွက်ခွါရာပြဝိဘတ်

သပြေကုန်းရွာက ကြိုဆိုပါ၏ကသာ သဒ္ဒါအရမှန်ပါတယ်။ မှားလေ့ရှိတာဟာ က ကို စကားအသုံးလို့သာ ထင်မှတ်လို့ ဖြစ်ပါမယ်။ အင်္ဂလိပ်လိုရေးတာမှာလည်း Welcome to လို့သာရေးရမှာကို Welcome from လို့မှားတတ်ကြတယ်။

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.

လက်ရေးနဲ့ကဗျာ

၁။ ပုံပါလက်ရေးက ဆရာ့လက်ရေးလား ဆရာမငွေတာရီလက်ရေးလား ဆရာ ကျွန်တော် မရေးပါ။ ငွေတာရီလက်ရေး။ ၂။ ဆရာ့စာလေးရောကဗျာလေးရော Share ထားပါတယ်ဆရာ ငယ...